एनसेलले सोमबारदेखि ९७१ बाट सुरू हुने नयाँ मोबाइल नम्बर रेन्ज वितरण गर्न सुरू गरेको छ।
नेपाल दूरसञ्चार प्राधिकरणले गत जेठमा एनसेललाई यो नम्बर रेन्ज दिएको थियो।
प्राधिकरणको राष्ट्रिय नम्बरिङ् वितरण योजना अनुसार ९८०, ९८१, ९८२ र ९७० रेन्जमा नम्बर अपुग हुन थालेपछि एनसेललाई नयाँ रेन्ज अनुमति दिइएको हो।
एनसेलका चीफ कन्जुमर बिजनेस अफिसर उपेन्द्र दत्तका अनुसार डिजिटल कारोबार र मोबाइलमार्फत् लिइने सेवाहरू बढ्दै गएको वर्तमान अवस्थामा नयाँ नम्बर रेन्जले सेवा प्रदायक र उपभोक्ता दुवैलाई सुविधा पुर्याउनेछ।
नयाँ नम्बर लागूसँगै एनसेलले सरकारी तथा गैरसरकारी संस्था, बैंक–वित्तीय संस्था तथा सेवा प्रदायकहरूलाई ९७१ रेन्जलाई आफ्नो प्रणालीमा छिटो इन्ग्रेट/अपडेट गर्न आग्रह गरेको छ।
मोबाइल नम्बर ओटीपी प्राप्त गर्न, डिजिटल सेवा तथा एप–वेब साइनअपमा प्रयोग हुने भएकाले नयाँ नम्बर रेन्जको समयमै समायोजन आवश्यक भएको एनसेलले जनाएको छ।
-1746009348.jpg)
