नेपाली बजारमा आज (मंगलबार) पनि सुनचाँदीको मूल्य बढेको छ।
लगातार बढिरहेको सुनको मूल्य आज हालसम्मकै उच्च विन्दुमा पुगेको हो।
यसअघि सोमबार पनि हालसम्मकै उच्च मूल्यमा सुनको कारोबार भएको थियो।
उक्त दिन सुन प्रतितोला दुई लाख ८२ हजार रूपैयाँमा कारोबार भएको थियो।
नेपाल सुनचाँदी व्यवसायी महासंघका अनुसार आज सुन प्रतितोला दुई लाख ८४ हजार सात सय रूपैयाँ पुगेको छ।
यो मूल्य अघिल्लो रेकर्डभन्दा प्रतितोला दुई हजार सात सय रूपैयाँ महँगो हो।
यस्तै, मंगलबार चाँदीको मूल्य पनि हालसम्मकै उच्च विन्दुमा पुगेको छ।
सोमबार तोलामा पाँच हजार आठ सय १० रूपैयाँमा कारोबार भएको चाँदी मंगलबार पाँच हजार आठ सय ८० रूपैयाँमा कारोबार भइरहेको छ।
यो मूल्य अघिल्लो दिनको तुलनामा प्रतितोला ७० रूपैयाँ बढेको हो।
अन्तर्राष्ट्रिय बजारमा आज सुन प्रतिऔंस ४ हजार सात सय अमेरिकी डलरमा कारोबार भइरहेको छ।
-1746009348.jpg)
