चिनियाँ राष्ट्रपतिको नेपाल भ्रमण हुने मुखमै अन्तर्राष्ट्रिय विमानस्थल कार्यालय प्रमुखको सरुवा भएको छ।
नागरिक उड्डयन प्राधिकरणकले त्रिभुवन अन्तर्राष्ट्रिय विमानस्थलका महाप्रबन्धक राजकुमार क्षेत्रीलाई हटाएको हो।
क्षेत्रीलाई हटाएर हाल विमानस्थलमै कार्यरत निर्देशक शुरेशमान सिंहलाई निमित्त महाप्रबन्धकको जिम्मेवारी दिइएको छ।
सिंहले आफूलाई निमित्तको जिम्मेवारी दिइएको सेतोपाटीलाई जानकारी दिए।
सिंहलाई अर्को व्यवस्था नभएसम्मका लागि भन्दै निमित्तको जिम्मेवारी दिइएको हो। ११ औं तहकै भएपनि प्रताव तिवारी सिंहभन्दा वरिष्ठ भएकाले उनलाई कायममुकायम नदिइएको प्राधिकरण स्रोतले जानकारी दिएको छ। तिवारी अहिले विदेश छन्।
क्षेत्रीलाई महानिर्देशकको सचिवालयमा हाजिर हुनेगरी सरुवा गरिएको छ।
चिनियाँ राष्ट्रपतिको भ्रमणमा उडान व्यवस्थापन पनि महत्वपूर्ण पाटोका रुपमा रहेको छ।
भ्रमणको मुखमै क्षेत्रीको सरुवा नागरिक उड्डयन व्यवस्थापन समितिलाई भने जानकारी नभएको समितिका एक सदस्यले जानकारी दिए।