निःसन्तान दम्पतीहरूलाई लक्षित गर्दै हार्दिक आइभिएफ एण्ड फर्टिलिटी सेन्टरले पुस २ गतेदेखि ३० गतेसम्म निःशुल्क आइयुआई क्याम्प सञ्चालन गर्ने घोषणा गरेको छ।
निःसन्तान उपचारको बढ्दो खर्चका कारण धेरै दम्पतीहरू उपचारबाट वञ्चित भइरहेका बेला, यस निःशुल्क क्याम्पमार्फत आर्थिक सहयोग प्रदान गर्नु र दम्पतीहरूको सन्तान प्राप्तिको यात्रा सहज बनाउनु मुख्य उद्देश्य रहेको हार्दिक आइभिएफले जनाएको छ।
क्याम्पमा नेपालका जुनसुकै स्थानबाट आएका दम्पतीहरूले सेवा लिन सक्नेछन्।
हार्दिक आइभिएफले यसअघि सञ्चालन गरेका निःशुल्क आइयुआई क्याम्पहरू सफल रहँदै आएको बताएको छ।
अघिल्ला क्याम्पहरूमा सहभागी धेरै दम्पतीहरूले गर्भधारणमा सफलता पाएका छन् भने केही दम्पतीहरूले स्वस्थ शिशुको जन्म समेत गरिसकेका छन्।
ती सफलताका कथाहरू अहिले पनि निःसन्तान दम्पतीहरूका लागि आशा र प्रेरणाको स्रोत बनेका छन्।
यो निःशुल्क आइयुआई क्याम्प विशेषगरी पुरुषतर्फको समस्या, अस्पष्ट बाँझोपन, ओभुलेशन (डिम्ब निस्कने) समस्या, हल्का एन्डोमेट्रियोसिस, सर्वाइकल म्युकस सम्बन्धी समस्या तथा यौन–सम्पर्कमा कठिनाई भएका दम्पतीहरूका लागि प्रभावकारी उपचार विकल्प मानिन्छ।
क्याम्प अवधिभर अनुभवी विशेषज्ञ डाक्टरहरूको प्रत्यक्ष परामर्श तथा आवश्यक मार्गदर्शन प्रदान गरिनेछ।
हार्दिक आइभिएफ टिमले निःसन्तानतालाई केवल स्वास्थ्य समस्या मात्र नभई भावनात्मक यात्राका रूपमा उल्लेख गर्दै आर्थिक र मानसिक बोझ कम गरी दम्पतीहरूलाई अभिभावक बन्ने अवसर प्रदान गर्नु संस्थाको लक्ष्य रहेको स्पष्ट पारेको छ।
सन्तान प्राप्तिको आशामा बसेका दम्पतीहरूलाई यो सीमित अवधिको अवसर नछुटाउन हार्दिक आइभिएफले आग्रह गरेको छ।
क्याम्पमा सहभागी हुन चाहने दम्पतीहरूले समयमै परामर्श लिनु उपयुक्त हुने जनाइएको छ।
-1746009348.jpg)
