विगत दुई दिनदेखि विभिन्न मिडियामा आइरहेको‘नक्कली स्यानिटाइजर विक्री गर्ने पक्राउ’ भन्ने समाचार गलत भएको कायकल्प उद्योगले बताएको छ।
समाचारमा उल्लेख भएअनुसार कायाकल्प आवुर्वेद फर्माकी सञ्चालिका भनिएकी रिना ओझा पक्राउ भन्ने कुरा गलत रहेको कम्पनीको भनाइ छ।
‘ओझा फार्मेसीसँग सम्बन्धित व्यक्ति नै नभएको हुनाले पक्राउ परेको भन्ने आधारविहीन तथ्य गलत हो’, कम्पनीले भनेको छ।
घरेलु तथा साना उद्योगमा दर्ता भएको यस कम्पनीले रि प्याकिङ गरेको सेनिटाइजरको लेबलमा प्रिन्ट त्रुटी भएको थियो। केही लेवलहरुमा
इथानोल हुनुपर्नेमा मिथानोल भएको कारणले औषधी व्यवस्था विभागले परीक्षणका लागी प्रयोगशालामा लगेको छ।
प्रिन्ट गलत भएपनि स्यानिटाइजरको गुणस्तरमा कुनै पनि फरक नभएकाले कोही पनि भ्रममा नर्पन कम्पनीले आग्रह गरेको छ।
साथै कम्पनीको ल्याव परीक्षण रिपार्टअनुसार इथानल अल्कोहल नै रहेको हुँदा यसको प्रयोगमा कुनै शंका नगर्नु समेत अनुरोध गरेको छ।
लेवलमा प्रिन्ट त्रुटी भएका स्याम्पल कम्प्नीले बजारबाट उठाइरहेको जानकारी गराएको छ।
