वीरगञ्ज भन्सार कार्यालयले चालु आर्थिक वर्षको दुई महिनामा ३९ अर्ब राजस्व संकलन गरेको छ।
कार्यालयले सार्वजनिक गरेको तथ्यांक अनुसार साउन र भदौमा गरेर कार्यालयले ३९ अर्ब १५ करोड ६४ लाख ६ हजार रुपैयाँ संकलन गरेको छ।
तर लक्ष्य अनुसार भने राजस्व संकलन हुन सकेको छैन।
भन्सार कार्यालयले लक्ष्यभन्दा कार्यालयले चालु आर्थिक वर्षको दुई महिनामा ४३ अर्ब ३ करोड ४० लाख ८० हजार रुपैयाँ राजस्व संकलन गर्ने लक्ष्य पाएको थियो। संकलन गरिएको राजस्व लक्ष्यभन्दा ९ प्रतिशत कम छ।
भन्सार अधिकृत लेखनाथ न्यौपानेका अनुसार कार्यालयले साउनमा १८ अर्ब ४३ करोड ६१ लख २२ हजार र भदौमा २० अर्ब ७२ करोड २ लाख ८४ हजार रुपैयाँ संकलन भएको छ। जुन गत आर्थिक वर्षको तुलनामा क्रमश १५.८४ र १४.६४ प्रतिशतले बढी रहेको उनले जानकारी दिए।
गत आव ०८१/८२ मा साउनमा १५ अर्ब, ९१ लख ५४ हजार ६९ रुपैयाँ र भदौमा १८ अर्ब ७ करोड ४१ लख ११ हजार रुपैयाँ संकलन भएको छ।
भन्सार अधिकृत पोखरेलले जेनजी आन्दोलनपछि सामान्य रूपमा जाँचपासको काम भइरहेको जानकारी दिए।
‘अन्यत्रका भन्सारमा जस्तो जेनजी आन्दोलनका क्रममा हामीकहाँ आगजनी, तोडफोड, लुटपाट भएको थिएन, कसैबाट बाधा अवरोध नभएकोले जाँचपासको काम चलिरहेको छ,’ उनले भने, ‘मालबस्तुको आयात निर्यात सहज रूपमा भइरहेको छ।’
चालु आर्थिक वर्षका लागि वीरगञ्ज भन्सारबाट २ खर्ब ७३ अर्ब ३९ करोड ४७ लाख ९५ हजार रुपैयाँ राजस्व संकलन गर्ने लक्ष्य राखिएको छ।
गत आवमा २ खर्ब ७९ अर्ब ५२ लाख ७ हजार राजस्व संकलनको लक्ष्य राखिएकोमा लक्ष्यको ८०.९१ अर्थात २ खर्ब २५ अर्ब ७३ करोड ४९ लाख ३१ हजार रुपैयाँ संकलन भएको थियो।
कम्प्युटर अधिकृत चन्द्र बहादुर क्षत्रीका अनुसार भन्सार कार्यालयमा असोज १ गते २९ लाख, २ गते ६७ करोड, ३ गते १ अर्ब २० करोड, ४ गते ३३ करोड, ५ गते ८४ करोड, ६ गते ५० करोड र ७ गते ८५ करोड राजस्व संकलन भएको छ।
-1746009348.jpg)
