मनमोहक हिमशृंखलाको अवलोकन गर्दै गर्न सकिने लाङटाङ पदमार्ग काठमाडौंबाट नजिकको पदमार्ग हो ।असोज र कार्तिक महिना पदयात्राको लागि राम्रो सिजन मानिन्छ। यही सिजनमा यो पदमार्गमा विदेशीहरु भन्दा बढी नेपालीहरु भेटिन्छन् ।
बीचबीचमा भेटिने अनुपम झरना, हिमश्रृङ्खलाहरुले पदमार्गमा यात्रा गर्ने पर्यटकहरूलाई आकर्षित गर्छ।
काठमाडौंबाट नजिक पर्ने पदमार्ग भएकाले पनि आन्तरिक पर्यटकको भिड लाग्ने गरेको हो। नजिकैबाट प्राकृतिक सौन्द्रर्य अवलोकन र अनुभूत गर्नका लागि लाङटाङ पदमार्ग प्रसिद्ध रहेको छ ।
क्यामेराका लेन्सले सुन्दर हिमाल, झरना, नदीनाला र प्राकृतिक सौन्दर्य कैद गर्दै यात्रा गर्नु यस पदमार्गको अर्का पक्ष हो।
‘एकैपटक आधा दर्जन हिमशृङ्खलाहरूको अवलोकन गर्न पाइने, क्यान्जी गुम्बाबाट वरिपरि हिउँले ढाकेका हिमाल हेर्न पाइयो र सहज पदमार्ग र बसोबासका लागि पर्याप्त होटलहरू भएकाले पनि यस पदमार्गमा आन्तरिक र बाह्य पर्यटकहरुको आवागमन उस्तै देखिन्छ ।
काठमाडौंको बालाजु माछापोखरीबाट सार्वजनिक यातायात वा निजी सवारीसाधनमा जान सकिन्छ।
माछापोखरीमा बिहान ६ बजेदेखि ९ बजेसम्म सार्वजनिक बस पाइन्छ। बालाजु, कलंकी, थानकोट, गल्छी, नुवाकोट धुन्चे हुँदै ६–७ घण्टामा स्याफ्रुबेँसी पुगिन्छ । त्यसपछि सुरु हुन्छ पैदलयात्रा । स्याफ्रुबेँसीबाट ३ घण्टाको पैदल यात्रापछि ब्याम्बोमा बास बस्न सकिन्छ । तर, समय रहेमा लामा होटल वा रिभरसाइडमा गएर बास बस्दा उपयुक्त हुन्छ ।
भोलिपल्ट उकाली ओराली गर्दै लाङटाङ वा क्यान्जिङ गुम्बा पुगिन्छ। यात्रामा लाङटाङ खोलाले साथ छोड्दैन । पहाडको चेपबाट झरिरहेका झरना, चरा चुरुङ्गीको चिरबिरचिरबिर आवाजले मन शान्त बनाउँछ। यसरी अर्को दिन बिहानै क्यान्जिङ उपत्यकाबाट क्याजिङ री जान सहज हुन्छ। कतिपय भने क्यान्जिङ पुगेपछि यलापिक अथवा सेर्गोरीतर्फ जाने गर्दछन्।
तस्बिरहरूः
तस्बिर : क्षितिज तामाङ/ नेपाल फोटो लाइब्रेरी ।
-1756446574.jpg)
-1746009348.jpg)
