उड्डयन तालिम क्षेत्रमा अग्रणी संस्था गीता एभिएसनले उड्डयन फुटसल प्रतियोगिताको दोस्रो संस्करणको औपचारिक शुभारम्भ गरेको छ।
नेपालमै पहिलो पटक उड्डयन क्षेत्रका संस्थाहरूलाई समेटेर सुरू गरिएको यो प्रतियोगिताले छोटो समयमै विशेष पहिचान बनाएको छ।
दोस्रो संस्करणको सुरुआत अवसरमा प्रतियोगिताको प्रतिक चिन्ह सार्वजनिक गरिएको आयोजकले जनाएको छ।
यससँगै प्रतियोगिता औपचारिक रूपमा सुरू भएको हो।
प्रतियोगितामा बुद्ध एयर, यती एयरलाइन्स, हिमालय एयरलाइन्स, नेपाल सेना (हवाई सेवा), हेली एभरेस्ट, कैलाश हेलिकप्टर, संस्कृति, पर्यटन तथा नागरिक उड्डयन मन्त्रालय तथा राष्ट्रिय हवाई उडान संघ (नार्फा) सहभागी हुनेछन्।
यसै अवसरमा पोखरामा तातो हावाको बेलुनमार्फत आकाशमै प्रतियोगिताको उपाधि सार्वजनिक गर्ने विशेष कार्यक्रम पनि आयोजना गरिने जानकारी दिइएको छ।
यस्तो कार्यक्रम नेपालमै पहिलो पटक हुन लागेको दाबी गरिएको छ।
उड्डयन फुटसलमार्फत उड्डयन क्षेत्रका पेशेवरबीच खेलकुद, एकता, अनुशासन र स्वस्थ प्रतिस्पर्धाको भावना विकास गर्ने लक्ष्य आयोजकले लिएको जनाएको छ।
-1746009348.jpg)
