बिहीबार खराब मौसमका कारण हालसम्म पाँच विमानस्थल बन्द भएका छन्।
मौसम खराब हुँदा भिजिबिलिटी कम भएपछि धनगढी, नेपालगन्ज, जनकपुर, विराटनगर र तुम्लिङटार विमानस्थल बन्द भएको त्रिभुवन अन्तर्राष्ट्रिय विमानस्थलका निमित्त महाप्रबन्धक टेकनाथ सिटौलाले जानकारी दिए।
'पाँच विमानस्थल पूर्ण बन्द छ ,' उनले भने।
उनका अनुसार त्रिभुवन अन्तर्राष्ट्रिय विमानस्थलमा भने बिहान तीन अन्तर्राष्ट्रिय उडान डाइभर्ट भएका छन्।
एयर अरेबिया र फ्लाइङ दुबई लखनउ डाइभर्ट भएका हुन भने जजिरा दिल्ली डाइभर्ट भएको हो।
त्रिभुवन अन्तरास्ट्रिय बिमानस्थल खुला छ भने आन्तरिक खुल्ने क्रममा छ।
' केही बेरअघि अन्तर्राष्ट्रियतर्फ कतार एयरवेज ल्यान्ड भएको छ,' उनले भने।
-1746009348.jpg)
