काठमाडौं उपत्यकाको पश्चिमी डाँडामा अवस्थित चन्द्रागिरि अहिले साहसिक पर्यटनको नयाँ गन्तव्य बनेको छ। यहाँबाट हुने प्याराग्लाइडिङ उडानले पर्यटकलाई काठमाडौं उपत्यकाको अनुपम दृश्यलाई आकाशबाट नियाल्ने दुर्लभ अवसर प्रदान गर्छ। भालेश्वर मन्दिरबाट पश्चिमतर्फको चन्द्रागिरि डाँडाबाट प्याराग्लाइडिङ उडान सुरू हुन्छ।
टेकअफपछि ग्लाइडर बिस्तारै आकाशतर्फ उक्लिँदै हरियाली जंगल, डाँडाकाँडा र टाढासम्म फैलिएको उपत्यकाको दृश्य देखाउँछ। आकाशबाट हेर्दा सहरको भीडभाड सानो देखिन्छ भने प्रकृतिको विशालता झन् नजिकबाट अनुभूति हुन्छ।
-1771680642.jpg)
यो साहसिक गतिविधि सानोबाबु सुनुवारद्वारा स्थापित बाबु एड्भेन्चर्सले सञ्चालन गर्दै आएको छ। अनुभवी पाइलटको साथमा गरिने ‘ट्यान्डम फ्लाइट’ सुरक्षित र सबै उमेर समूहका लागि उपयुक्त मानिन्छ।
उडानको अन्तिम चरणमा ग्लाइडर मकवानपुरको चित्लाङ क्षेत्रतर्फ अवतरण गर्छ। यस क्रममा इन्द्रसरोवर ताल, हरियाली वन, पुराना बस्ती र खेतका सुन्दर दृश्यले यात्रालाई अझ आकर्षक बनाउँछ। मौसम खुलेको दिन उत्तरतर्फ देखिने हिमश्रृङ्खलाले यो अनुभवलाई अझ अविस्मरणीय बनाउँछ।
स्याङ्जाको स्वरेक मैदानमा प्याराग्लाइडिङ स्कुल र लमजुङको दोर्दी गाउँपालिकामा हाइ अल्टिच्युड प्याराग्लाइडिङ स्कुल सञ्चालन गरिरहेका सुनुवार साहसिक हवाई पर्यटन नेपालभर सम्भव भएको र काठमाडौंमा उपत्यकाबासीलाई पनि प्यारा उडानको स्वाद चखाउन चन्द्रागिरिमा लगानी गरेको बताउँछन्।
चन्द्रागिरिको प्याराग्लाइडिङले काठमाडौंमै साहसिक पर्यटनको नयाँ आयाम थपेको छ। प्रकृति, रोमाञ्च र दृश्यावलोकनको अद्भुत संयोजनका कारण यो गतिविधि आन्तरिक तथा विदेशी पर्यटकका लागि आकर्षणको केन्द्र बन्दै गएको छ।
-1771680642.jpg)
के ख्याल गर्ने?
प्याराग्लाइडिङ उडानमा जाँदा हावा नछिर्ने पन्जा, ज्याकेट र कालो चस्माको प्रयोग गर्नु उपयुक्त हुन्छ। यसो हुँदा उडानका क्रममा हावाको वेगले तपाईंलाई अप्ठ्यारो बनाउँदैन। त्यस्तै उडान 'टेक अफ'को समयमा दौडनुपर्ने भएकाले चप्पलभन्दा जुत्ता लगाउनु उत्तम हुन्छ।
कसरी गर्ने बुकिङ?
चन्द्रागिरिमा प्याराग्लाइडिङ गर्नका लागि बाबु एड्भेञ्चर्सलाई उडान गर्नुभन्दा एक दिनअघि नै सम्पर्क गर्नुपर्नेछ।
-1771680642.jpg)
-1771680642.jpg)
-1771680642.jpg)
-1771680642.jpg)
-1746009348.jpg)
