कामीरिता शेर्पा ३२ औं पटक सगरमाथाको चुचुरोमा पुगेका छन्।
आइतबार बिहान १०:१२ बजे उनले ३२औं पटक सगरमाथाको सफल आरोहण गरी रेकर्ड बनाएको पर्यटन विभागको सगरमाथा आधार शिविरस्थित अस्थायी कार्यालयले जनाएको छ।
उनले सगरमाथा आरोहणमा आफ्नै रेकर्ड तोडेका हुन्।
यसअघि उनले गत साल जेठमा ३१औं पटक सगरमाथाको आरोहण गरेका थिए।
शेर्पाले पहिलो पटक सगरमाथा सन् १९९४ मा आरोहण गरेका थिए।
विभागले शेर्पालाई बधाई समेत दिएको छ।
त्यसैगरी, माउन्टेन क्विन उपनामले परिचित लाक्पा शेर्पाले आइतबार बिहान साढे ९ बजे ११औं पटक सगरमाथाको आरोहण गरेकी छिन्।
उनले महिला आरोहीमध्ये सबैभन्दा धेरै पटक आरोहणको विश्वकीर्तिमान कायम गरेकी छन्।
सन् १९७३ मा संखुवासभा, मकालु–२ मा जन्मिएकी लाक्पा शेर्पाले नेपालको पर्वतारोहण इतिहासमा अर्को महत्त्वपूर्ण अध्याय थपेकी छन्।
-ink-1716545059-1716555429.jpeg)
