भारतको केन्द्र सरकारले एयर इन्डियाको सम्पूर्ण सेयर बेच्ने भएको छ।
सोमबार भारत सरकारले एयर इन्डियाको १०० प्रतिशत शेयर बेच्न बोलपत्र आह्वान गरेको हो बिबिसि हिन्दिले जनाएको छ। सेयर किन्न इच्छुकले सोमबार(जनवरी २७) देखि १७ मार्चसम्म आवेदन भर्न सक्ने छन्।
३१ मार्चसम्म सरकारले शेयर किन्नेहरूको नामावली सार्वजनिक गर्ने जनाएको छ। यो निर्णयप्रति भारतीय जनता पार्टी(भाजपा)का केही सांसद भने खुसी छैनन्।
भाजपाका राज्यसभा सांसद सुब्रमण्यम स्वामीले ट्वीट गर्दै यो राष्ट्रको हितमा नभएको बताएका छन्।
एयर इन्डियामा ६० हजार करोड भारतीय रूपैयाँ ऋण रहेको छ। भारत सरकारले यो ऋण कम गर्न ऋण विशेष इकाई गठन गरेको छ। यसअघि बोलपत्र आह्वान गरेपनि एयर इन्डियाले खरिददार पाएको थिएन। सेयर किन्नेले साढे २३ हजार करोड रूपैयाँ ऋण तिर्न पर्ने छ। साथै एयर इन्डियामा कम हुँदै गएको यात्रुको संख्या बढाउन चुनौती समेत रहेको छ।
प्रकाशित मिति: मंगलबार, माघ १४, २०७६, १७:०३:००
