सिंहदरबार क्षेत्रमा मंगलबार बिहान प्रहरी परिचालन गरिएको छ।
धरान उपमहानगरपालिकाका मेयर हर्क साम्पाङले रित्तो गाग्रीसहित सिंहदरबार प्रवेश गर्न सक्ने भन्दै सुरक्षा व्यवस्था कडा बनाइएको प्रहरी स्रोतले जनाएको छ।
मंगलबार बिहान सिंहदरबार प्रवेश गर्ने गेटमा बाक्लो संख्यामा प्रहरीहरू परिचालन भएका छन्।
पूर्वी, दक्षिण र पश्चिम गेटमा सुरक्षामा कडाइ गरिएको प्रहरीले जनाएको छ।
धरानका मेयर साम्पाङ सोमबार पानी माग्न रित्तो गाग्री बोकेर काठमाडौं आएका थिए।
उनले प्रधानमन्त्री केपी शर्मा ओली र खानेपानी मन्त्री प्रदीप यादवसँग भेट्ने बताइरहेका छन्।
मेयर साम्पाङसहित मानिसहरू र्यालीसहित सिंहदरबार क्षेत्रमा प्रवेश गर्न सक्ने भएकोले प्रहरीहरू परिचालन भएको हो।
तस्बिरहरू:
सबै तस्बिर: नेपाल फोटो लाइब्रेरी
