नेपाली कांग्रेसका सहमहामन्त्री भीष्मराज आङ्देम्बेले विशेष महाधिवेशन गर्ने हो भने केन्द्रीय समितिबाटै निर्णय भएर जानुपर्ने बताएका छन्।
आज सानेपामा बसेको केन्द्रीय समिति बैठकमा बोल्दै सहमहामन्त्री आङ्देम्बेले संस्थापन चौघेरा देखेर त्यसमा असन्तुष्टि जनाएकाहरूले एउटा निकास खोज्नका लागि विशेष महाधिवेशन हस्ताक्षर अभियान सञ्चालन गरेको बताए।
‘म के चाहन्छु भन्दा हरेक कुरा केन्द्रीय समितिबाट टुंगो लागोस्। विशेष अधिवेशन पनि केन्द्रीय समितिबाट टुंगो लागेर जाओस्,’ उनले भने, ‘अझै म विशेष महाधिवेशन हुँदै नहोस् भन्ने चाहना राख्ने मानिस हो। हस्ताक्षर अभियान रूजुसम्म पुग्दा हाम्रो चरित्र त्यही हो, पार्टी फुटमा जान सक्छ।’
उनले सभापति शेरबहादुर देउवाप्रति लक्ष्य गर्दै अनुभवी नेता स्वास्थ्य उपचारमा रहेको बताए।
उनले विशेष महाधिवेशन माग गरेका ५४ प्रतिशत महाधिवेशन प्रतिनिधिहरूलाई पनि समेट्नुपर्ने बताए। उनले नियमित महाधिवेशन मिलनविन्दु भएको पनि बताएका छन्।
-1746009348.jpg)
