नेकपा (एमाले) का उपाध्यक्ष विष्णु पौडेल रूपन्देही क्षेत्र नम्बर २ बाट उम्मेदवार सिफारिस भएका छन्।
प्रतिनिधि सभा निर्वाचन क्षेत्र समन्वय कमिटीको आइतबार बसेको बैठकले उपाध्यक्ष पौडेलको नाम एकल सिफारिस गरेको हो।
एमाले रुपन्देहीका प्रचार विभाग प्रमुख मीनप्रसाद पौडेलले सर्वसम्मत रूपमा उपाध्यक्ष पौडेलको नाम एकल सिफारिस गरिएको जानकारी दिए।
फागुन २१ गते प्रतिनिधि सभा निर्वाचन हुँदैछ।
पौडेल यो क्षेत्रबाट २०५६ सालदेखि निरन्तर चुनावमा उठ्दै आएका छन् ।
२०५६ सालमा नेपाली कांग्रेसका सूर्यप्रसाद प्रधानसँग पराजित भएका थिए। २०६४ र २०७० को संविधान सभा निर्वाचन तथा २०७४ र २०७९ सालको प्रतिनिधि सभा निर्वाचनमा पौडेल विजयी भएका थिए।
-1746009348.jpg)
