राष्ट्रिय स्वतन्त्र पार्टी (रास्वपा)का सहमहामन्त्री विपिन आचार्यले राजनीतिमा 'च्यातिएको चप्पल' र 'रित्तो खल्ती'लाई मात्र इमान्दारीको प्रतीक मान्ने पाखण्ड अब बन्द गर्न आग्रह गरेका छन्।
प्रधानमन्त्रीसहित मन्त्रीहरूले सार्वजनिक गरेको सम्पत्ति विवरणमाथि टिप्पणी हुन थालेपछि उनले धनी हुनु कुनै पाप वा अपराध नभएको बताएका हुन्।
‘धनी हुनु कुनै पाप वा अपराध होइन। प्रश्न मान्छे कति धनी छ भन्ने होइन, बरु त्यो सम्पत्ति उद्यम र पसिनाले कमाएको हो कि भ्रष्टाचारले, अनि राज्यप्रति कति पारदर्शी छ भन्ने मात्र हो,’ उनले भनेका छन्।
देश सधैं अभाव र आँसुको कथा बेचेर नबन्ने उनको तर्क छ।
‘एउटा बलियो र समृद्ध राष्ट्रको निर्माण ती मानिसहरूको जगमा पनि उभिन्छ, जसले समाजमा नयाँ गर्छन्, वैध रूपमा सम्पत्ति कमाउँछन् र पूर्ण जवाफदेही रहन्छन्। पारदर्शी समृद्धिको संस्कार नेपाली समाजले अब सिकाओस्,’ उनले भनेका छन्।
-1746009348.jpg)
