राष्ट्रिय प्रजातन्त्र पार्टीका अध्यक्ष राजेन्द्र लिङ्देनले पार्टी हित विपरीतका गतिविधि गर्नेहरूलाई कारबाही गरिने संकेत गरेका छन्।
आज काठमाडौंमा पार्टीले आयोजना गरेको एक कार्यक्रममा बोल्दै अध्यक्ष लिङ्देनले पार्टीभित्रकै कतिपय नेताहरूले चुनावमा उम्मेदवारलाई असहयोग र पार्टीलाई राष्ट्रिय पार्टी हुनबाटै रोक्न खोजेको पाइएकोसमेत बताए।
‘पछिल्लो दिनमा कतिपय साथीहरू, जसले निर्वाचनको मुखैमा पार्टी हितविपरीत क्रियाकलाप गरेका छन्। आम कार्यकर्ताले महसुस गर्ने गरी पार्टीका उम्मेदवारका विपक्षमा प्रचार गर्ने, पार्टीकै विरूद्धमा प्रचार गर्ने, पार्टीलाई र उम्मेदवारलाई हराउन पर्छ मात्र होइन, राष्ट्रिय पार्टी नै बन्न दिन हुँदैन यो पार्टीलाई खरानी बनाउनुपर्छ भनेर हिँडेका मानिसहरू भने अब सम्झौता गर्न सकिँदैन,’ उनले भने।
उनले उचित समयमा महाधिवेशन गरिने बताए। निर्वाचन समीक्षा गर्न प्रदेशहरूमा जाने र त्यसपछि केन्द्रीय कार्यसम्पादन समिति बैठक बस्ने उनको भनाइ थियो।
-1776591960.jpeg)
-1746009348.jpg)
