निर्वाचन नहुने भनेर अभिव्यक्ति दिएको विषयमा दुर्गा प्रसाईंविरूद्ध मुद्दा दर्ता भएको छ।
फागुन २१ गते भएको निर्वाचन अगाडि दिएको अभिव्यक्तिको आधारमा प्रसाईंविरूद्ध सरकारी वकिलको कार्यालय काठमाडौंले मंगलबार मुद्दा दायर गरेको हो।
निर्वाचन आयोगकै पत्रका आधारमा प्रहरीले प्रसाईंलाई पक्राउ समेत गरेको थियो। पछि उनी फेरि छुटेका थिए।
उनले त्यतिबेला 'हिन्दु राष्ट्र र राजसंस्था कायम नहुन्जेल यो देशमा चुनाव हुँदैन' भन्ने अभिव्यक्ति दिएका थिए।
उनीविरूद्ध साइबर ब्युरोले अनुसन्धान अघि बढाएको थियो।
अदालतमा विद्युतीय कारोबार ऐन, २०६३को कसुर गरेको भन्दै मुद्दा दायर गरेको थियो।
-1746009348.jpg)
