तिहारको टीकाको अवसर पारेर काठमाडौंको रानीपोखरीको मध्यभागमा रहेको बालगोपालेश्वर मन्दिरमा दर्शनार्थीको घुइँचो लागेको छ।
तिहारको टीकाको दिन मात्रै खुल्ने बालगोपालेश्वरमा दिदीबहिनी, दाजुभाइ नहुनेहरू टीका थाप्न पुग्ने गर्छन्। दिदीबहिनी, दाजुभाइ हुनेहरू पनि तिहारको टीकाको दिन मात्रै खुल्ने यस मन्दिर दर्शन, पूजा-अर्चनाका लागि आउने गरेको पुजारीहरू बताउँछन्।
बाल गोपालेश्वर मन्दिर बिहानबाटै खुला भएको काठमाडौं महानगरपालिकाले जानकारी दिएको छ।
यसैबीच दाजुभाइ नहुनेका लागि काष्ठमण्डपमा अञ्जली दिदीले टीका लगाउने कार्यक्रम रहेको काठमाडौं महानगरपालिका वडा नं. २० का अध्यक्ष राजेन्द्र मानन्धरले बताए। यस वर्ष अञ्जली दिदीले भाइटीका लगाइदिन सुरू गरेको रजत वर्षका अवसरमा विशेष कार्यक्रम रहेको जनाइएको छ ।
यता जयवागेश्वरीमा रहेको खञ्जनेश्वर महादेव मन्दिरमा पनि आज दिदीबहिनी एवं दाजुभाइ नहुनेले पूजा तथा दर्शन गरी टीका लगाउने प्रचलन रहेको संस्कृतिविद् एवम् पशुपति क्षेत्र विकास कोषका पूर्व सदस्य सचिव डा गोविन्द टण्डनले बताए।
‘विसं २०३५ अघि रानीपोखरीभित्रको बालगोपालेश्वर मन्दिरमा प्रवेशका लागि पोखरीमा मानिस हामफाल्ने समस्या रहेकाले बन्द गरिन्थ्यो, त्यसबेला जयबागेश्वरीको खञ्जनेश्वर महादेव मन्दिरमा दिदीबहिनी नहुने दाजुभाइ र दाजुभाइ नहुने दिदीबहिनीको भीड लाग्थ्यो, अहिले पनि यहाँ भाइटीकाका दिन भक्तजनको भीड लाग्छ,’ उनले भने।
विसं २०३५ पछि नियमित रुपमा रानीपोखरीभित्रको बालगोपालेश्वर मन्दिर खुल्न थालेको हो। आठ वर्षअघिको गोरखा भूकम्पले बालगोपालेशवर मन्दिर क्षतिग्रस्त बनेपछि २०७७ सालसम्म खञ्जनेश्वर महादेव मन्दिरमा पनि दिदीबहिनी एवम् दाजुभाइ नहुने भक्तजनको भीड लागेको थियो। बालगोपालेश्वर मन्दिर भूकम्पपछिदेखि मात्र भक्तजनका लागि पुन: खुला गरिएको हो। भाइटीकाको दिनलाई नेवार समुदायले किजापूजाका रूपमा मनाउने गर्छन्।
तस्बिरहरूः
![21-ink.jpeg](https://www.setopati.com/uploads/editor/0000/balgopaleshwar/21-ink.jpeg)
![22-ink.jpeg](https://www.setopati.com/uploads/editor/0000/balgopaleshwar/22-ink.jpeg)
![23-ink.jpeg](https://www.setopati.com/uploads/editor/0000/balgopaleshwar/23-ink.jpeg)
![24-ink.jpeg](https://www.setopati.com/uploads/editor/0000/balgopaleshwar/24-ink.jpeg)
![25-ink.jpeg](https://www.setopati.com/uploads/editor/0000/balgopaleshwar/25-ink.jpeg)
![1-ink.jpeg](https://www.setopati.com/uploads/editor/0000/balgopaleshwar/1-ink.jpeg)
![2-ink.jpeg](https://www.setopati.com/uploads/editor/0000/balgopaleshwar/2-ink.jpeg)
![3-ink.jpeg](https://www.setopati.com/uploads/editor/0000/balgopaleshwar/3-ink.jpeg)
![4-ink.jpeg](https://www.setopati.com/uploads/editor/0000/balgopaleshwar/4-ink.jpeg)
![5-ink.jpeg](https://www.setopati.com/uploads/editor/0000/balgopaleshwar/5-ink.jpeg)
![6-ink.jpeg](https://www.setopati.com/uploads/editor/0000/balgopaleshwar/6-ink.jpeg)
![7-ink.jpeg](https://www.setopati.com/uploads/editor/0000/balgopaleshwar/7-ink.jpeg)
![8-ink.jpeg](https://www.setopati.com/uploads/editor/0000/balgopaleshwar/8-ink.jpeg)
![9-ink.jpeg](https://www.setopati.com/uploads/editor/0000/balgopaleshwar/9-ink.jpeg)
![10-ink.jpeg](https://www.setopati.com/uploads/editor/0000/balgopaleshwar/10-ink.jpeg)
![11-ink.jpeg](https://www.setopati.com/uploads/editor/0000/balgopaleshwar/11-ink.jpeg)
![12-ink.jpeg](https://www.setopati.com/uploads/editor/0000/balgopaleshwar/12-ink.jpeg)
![13-ink.jpeg](https://www.setopati.com/uploads/editor/0000/balgopaleshwar/13-ink.jpeg)
![14-ink.jpeg](https://www.setopati.com/uploads/editor/0000/balgopaleshwar/14-ink.jpeg)
![15-ink.jpeg](https://www.setopati.com/uploads/editor/0000/balgopaleshwar/15-ink.jpeg)
![16-ink.jpeg](https://www.setopati.com/uploads/editor/0000/balgopaleshwar/16-ink.jpeg)
![17-ink.jpeg](https://www.setopati.com/uploads/editor/0000/balgopaleshwar/17-ink.jpeg)
![18-ink.jpeg](https://www.setopati.com/uploads/editor/0000/balgopaleshwar/18-ink.jpeg)
![19-ink.jpeg](https://www.setopati.com/uploads/editor/0000/balgopaleshwar/19-ink.jpeg)
![20-ink.jpeg](https://www.setopati.com/uploads/editor/0000/balgopaleshwar/20-ink.jpeg)