काठमाडौंको सुकेधारामा एक पुरूष मृत फेला परेका छन्।
मंगलबार बिहान ७ बजे काठमाडौं महानगरपालिका वडा नम्बर ४ सुकेधारा चोकस्थित नालामा एक पुरूष मृत फेला परेका हुन्।
जिल्ला प्रहरी परिसर काठमाडौंका एसपी नवराज अधिकारीका अनुसार मृतकको पहिचान खुलिसकेको छ।
उनी खोटाङ हलेसीतुवा चुङ नगरपालिका वडा नम्बर ७ घर भई काठमाडौंको चाबहिल बस्ने ४४ वर्षीय भिषण गिरी हुन्।
उनी घोप्टो परेको अवस्थामा मृत फेला परेका हुन्। प्रहरीले घटनास्थलमा पुगेर अनुसन्धान गरिरहेको छ।
मृतकका आफन्त पनि सम्पर्कमा आएको एसपी अधिकारीले बताए। उनको मृत्यु के कसरी भएको भन्ने खुलिसकेको छैन।
शव पोष्टमर्टमको लागि शिक्षण अस्पताल लैजाने प्रहरीको तयारी छ।
