झापामा बलात्कार आरोपमा १९ वर्षीय युवक पक्राउ परेका छन्।
तेह्थुम आठराई गाउँपालिका-१ का १९ वर्षीय सबिन लाम्गादे पक्राउ परेका हुन्।
उनलाई इलाका प्रहरी कार्यालय अनारमनीबाट खटिएको टोलीले सोमबार साँझ पक्राउ गरेको हो।
लाम्गादेले १७ वर्षीया बालिकालाई कनकाई नगरपालिका-५ चप्रामारीमा आइतबार राति बलात्कार गरेको उजुरी छ। सोही उजुरीको आधारमा उनलाई पक्राउ गरिएको प्रहरीले जनाएको छ।
यस घटनामा प्रहरीले थप अनुसन्धान गरिरहेको छ।
