नारायणगढ-मुग्लिन सडक खण्डअन्तर्गत् सत्र किलोमा चारवटा सवारी साधन आपसमा ठोक्किँदा एक जनाको मृत्यु भएको छ। उक्त दुर्घटनामा २३ जना यात्रु घाइते भएका छन्।
पहिचान नखुलेका अन्दाजी १६-१७ वर्षका किशोरको उपचारका क्रममा भरतपुर अस्पतालमा मृत्यु भएको मुग्लिन प्रहरीले जानकारी दिएको छ।
काठमाडौंबाट प्यूठानतर्फ आउँदै गरेको बा ४ ख ९०८६ नम्बरको यात्रुवाहक बस, नारायणगढदेखि मुग्लिनतर्फ जाँदै गरेको ना ३ ख ७९१५ नम्बरको ट्रक, काठमाडौंबाट बर्दिवासतर्फ आउँदै गरेको ना ७ ख ३२४८ नम्बरको बस र वीरगञ्जबाट काठमाडौंतर्फ जाँदै गरेको ना ६ ख ८९६८ नम्बरको बस एकै ठाउँमा ठक्कर खाँदा उक्त दुर्घटना भएको हो। आइतबार राति १२ बजेतिर भएको प्रहरीले जनाएको छ।
बस र ट्रकका गरी २३ जना यात्रु घाइते भएको मुग्लिन प्रहरीले जानकारी दिएको छ।
घाइते सबैलाई उपचारका लागि नयाँ मेडिकल कलेज भरतपुर पुर्याइएको प्रहरीले बताएको छ।
-1716773746.jpeg)
