प्रारम्भिक बाल विकास (इसिडी) शिक्षा सुधारका लागि ११ दिनसम्म माइतीघर मण्डलमा उभिएका नेपाल समाजवादी विद्यार्थी युनियनका अध्यक्ष नेत्र चापागाईंसँग शिक्षा, विज्ञान तथा प्रविधि मन्त्रालयले सहमति गरेको छ।
इसिडी शिक्षा सुधारको माग गर्दै गत जेठ २ गतेदेखि १२ गतेसम्म दिनहुँ बिहान १० देखि अपराह्न ५ बजेसम्म चापागाईं माइतीघर मण्डलमा एकल प्रदर्शन गरेका थिए।
समाजवादी विद्यार्थी युनियन बाबुराम भट्टराई नेतृत्वको नेपाल समाजवादी पार्टीनिकट विद्यार्थी संगठन हो। चापागाईंले राखेका मागमा समाजवादी पार्टीले पनि ऐक्यबद्धता जनाउँदै माइतीघर मण्डलमा प्रदर्शन पनि गरेको थियो।
शिक्षा मन्त्री सुमना श्रेष्ठ माइतीघर मण्डल पुगेर चापागाईंलाई भेटेकी थिइन्। साथै शिक्षा मन्त्रालयमा पनि चापागाईंले उभिएरै वार्ता गरेका थिए।
शिक्षा मन्त्री श्रेष्ठबाट श्वेत पत्रद्वारा अधिकांश माग सम्बोधन गरिएको समाजवादी विद्यार्थी युनियनले जारी गरेको विज्ञप्तिमा उल्लेख छ। आफूहरूले उठान गरेका विषय सरकारका नीति तथा कार्यक्रममा परेको मन्त्रालयले जबाफ दिएको र जेठ १५ गते आउने बजेटमा उक्त कार्यक्रम समावेश हुनेमा विश्वस्त रहेको समाजवादी युनियनको भनाइ छ।
यस्तो छ सहमतिका पाँच बुँदा: