नेपाल प्रहरीका हालै बढुवा भएका चार जना डिआइजीको पदस्थापन र तीन जना डिआइजीको सरूवा भएको छ।
यही जेठ १३ गते एसएसपीबाट डिआइजीमा बढुवा भएका चार जनालाई पदस्थापन गर्ने निर्णय बुधबारको गृहमन्त्रीस्तरीय बैठकले गरेको हो।
त्रिभुवन अन्तर्राष्ट्रिय विमानस्थल सुरक्षा प्रहरी कार्यालयमा रहेका डिआइजी कृष्णहरि शर्मा पोखरेलको काठमाडौं उपत्यका प्रहरी कार्यालय रानीपोखरीमा पदस्थापन भएको छ।
डिआइजी दानबहादुर कार्कीको प्रहरी महानिरीक्षकको सचिवालयमा पदस्थापन भएको छ।
डिआइजी मनोजकुमार केसीको विशेष ब्युरोमा र राजन अधिकारीको राष्ट्रिय प्रहरी प्रशिक्षण प्रतिष्ठानमा पदस्थापन भएको छ।
त्यस्तै डिआइजी रामदत्त जोशीलाई विमानस्थल सुरक्षा प्रहरी कार्यालयमा सरूवा गरिएको छ।
कर्णाली प्रदेश प्रहरी प्रमुख रहेका लालमणि आचार्यलाई नेपाल प्रहरी शिक्षालय भरतपुर पठाइएको छ।
अर्जुन ठकुरी चन्दलाई कर्णाली प्रदेश प्रमुख बनाइएको छ।
