ललितपुरमा ट्राफिक नियम उल्लंघन गर्नेहरूलाई सिसिटिभीमार्फत निगरानी गरी कारबाही गर्ने भएको छ।
आइतबारदेखि सिसिटिभी क्यामरा मनिटर गरी ट्राफिक उल्लंघन गर्नेहरूलाई कारबाही अघि बढाउन लागेको हो।
ललितपुर परिसरमा रहेको सिसिटिभी क्यामरा मनिटरिङ कक्षमा अब प्रहरी र ट्राफिक प्रहरीले संयुक्त रूपमा काम गर्ने भएको हो।
यसका लागि परिसरले ट्राफिक प्रहरीलाई संचार सेट समेत उपलब्ध गराएको हो।
