भरतपुर महानगरपालिकाले अन्तरजातीय विवाह गरेका १० जोडीलाई सम्मान गरेको छ।
आइतबार एक कार्यक्रम गरी महानगरले सबै जोडीलाई एक/एक लाख रुपैयाँसहित सम्मान गरेको हो।
भरतपुर महानगरपालिका–१९ का आशिष विक र शान्ति घर्ती, भरतपुर–१९ कै सुवन गहतराज र शान्ता श्रेष्ठ, भरतपुर–२३ का नविन विक र कमला श्रेष्ठ, भरतपुर–११ का विवेक सुनार र अम्बिका कार्की, भरतपुर–१६ सुशील परियार र सुस्मिता बुढाथोकीको जोडीलाई सम्मान गरिएको हो।
त्यस्तै भरतपुर–२५ का अविनास सुनार र मिना भुजेल, भरतपुर–१४ विवस महतो र प्रतिभा सुनार, भरतपुर– १४ कै पदमबहादुर विक र फुलमाया लावती, भरतपुर–१५ का विनोद परियार र अरुणा राई, भरतपुर–६ का सुवास विक र मायाँ कुमालको जोडीलाई महानगरले सम्मान गरेको थियो।
सम्मान गर्दै मेयर रेनु दाहालले विगत ४ वर्षदेखि सम्मानलाई निरन्तरता दिएको बताइन्। उनले जातीय विभेद, समान्तवादी सोच, चिन्तत र प्रवृतिको अन्त्य गर्न सहयोग पुगोस् भनेर सम्मान कार्यक्रम गरिएको बताइन्। संविधानले जातीय विवेदलाई अपराध भनेपनि सोचेजति परिवर्तन हुन्।
उपमेयर चित्रसेन अधिकारीले भरतपुर महानगरले अन्तरजातीय जोडीलाई सम्मान गरी देशमै उदाहरणीय काम गरेको बताए।
महानगरका निमित्त प्रमुख प्रशासकीय अधिकृत उपेन्द्र पौडेलले मानिसको दुई जात; महिला र पुरुष मात्र भएकाले सबैले आत्मसम्मानसहित बाँच्न पाउनुपर्ने वातावरण सिर्जना गर्नुपर्ने बताए।
महानगरले यसअघि १३ जोडीलाई सम्मान गरेको थियो।
