भेरी नदीमा बेपत्ता भएका दुई पुरूषको शव फेला परेको छ।
सुर्खेतको वीरेन्द्रनगर नगरपालिका-२ चोक्टेस्थित भेरी नदीमा बेपत्ता भएका दुई पुरूषको शव सशस्त्र प्रहरी बलको गोताखोरले निकालेको सहप्रवक्ता एवं डिएसपी शैलेन्द्र थापाले जानकारी दिए।
शनिबार दिउँसो नदीमा पौडी खेल्न गएका भुपेन्द्र केसी र विनोद केसी बेपत्ता भएका थिए।
आइतबार सशस्त्र प्रहरी बल नेपाल नं. ६ महेश्वरी बाहिनी मुख्यालय सुर्खेतबाट सशस्त्र प्रहरी सहायक निरीक्षक रमेशबहादुर थापाको कमाण्डमा १० जनाको गोताखोर टोली खटिएको थियो।
उक्त टोलीले १२:३५ बजे भुपेन्द्रको र १२: ४० बजे विनोदको शव ३० फिट गहिराइबाट निकालेको हो।