ललितपुरस्थित नागदहमा पौडी खेल्ने क्रममा एक जना डुबेका युवकको उद्धार गरिएको छ।
गोदावरी नगरपालिका-१२ का ३९ वर्षीय श्याम माली नागदहमा पौडी खेल्न जाँदा डुबेपछि उद्धार गरेको जिल्ला प्रहरी परिसर ललितपुरका एसपी नरेशराज सुवेदीले जानकारी दिए।
उनका अनुसार दिउँसो ३ बजे नागदहमा नागपञ्चमीको पूजा गर्न उनी त्यहाँ पुगेका थिए। सोही क्रममा पौडी खेल्न गएपछि पोखरीभित्रै उनी डुबेका थिए। त्यसपछि ड्युटीमा रहेका प्रहरीले उद्धार गरेका थिए।
अहिले उनको सुमेर अस्पतालमा उपचार भइरहेको प्रहरीले जनाएको छ।
