दिपायलमा बस दुर्घटना हुँदा १६ जना घाइते भएका छन्।
कैलालीको धनगढीबाट डोटीको दिपायल जाँदै गरेको ना ५ ख ४४५१ नम्बरको बस दिपायल सिलगढी नगरपालिका-४ मा रेडियो नेपाल नजिक केआइसिंह राजमार्गमा बिहान ५ बजे बस सडकबाट ५० मिटर खसेर दुर्घटना भएको हो।
जिल्ला प्रहरी कार्यालय डोटीका सूचना अधिकारी डिएसपी भीमलाल भट्टराइका अनुसार दुर्घटनामा परी बसका चालकसहित १६ जना घाइते भएका छन्।
तीमध्ये ७ जना सामान्य र ९ जनाको अवस्था मध्यम छ। वस्ती भएको ठाउँमा खसको उक्त बसले दुइवटा घरहरूमा पनि क्षति पुर्याएको छ भने दुई जना स्थानीय पनि घाइते भएको डिएसपी भट्टराइले जानकारी दिए।
घाइतेहरू सबैलाई राजपुरस्थित सुजन अस्पतालमा उपचारका लागि पठाइएको छ।
दुर्घटनाबारे अनुसन्धान भइरहेको पनि डिएसपी भट्टराईले जानकारी दिए।
