मुग्लिनमा गुडिरहेको गाडीमाथि ढुंगा खस्दा दुई जना घाइते भएका छन्।
भरतपुर महानगरपालिका वडा नम्बर २९ मुग्लिन नारायणगढ सडकखण्ड १७ किलोमा ढुंगा खस्दा काठमाडौंबाट भरतपुर जाँदै गरेको गाडीमा ढुंगा खसेको प्रमुख जिल्ला अधिकारी इन्द्रदेव यादवले जानकारी दिए।
बुधबार बिहान अन्दाजी साढे १० बजे बा प्रदेश ०१-००६ ख ६४१४ नम्बरको गाडी अगाडि ढुंगा खसेको हो।
ढुंगा फुटेर सिसा फुटेको छ। सिटमा बसिरहेका नवलपुर देवचुली नगरपालिका-१३ बस्ने ८ वर्षीय कविता परियार र ५ वर्षीया कन्चन परियारको हातमा चोट लागेको छ।
चोट सामान्य रहेको जिल्ला प्रशासन कार्यालय चितवनले जनाएको छ।
दुबै जनाको पुरानो मेडिकल कलेज भरतपुरमा उपचार भइरहेको छ।
