काठमाडौंको माछापोखरीमा बस पल्टिएको छ।
शनिबार साँझ करिब ७ बजे बालाजुबाट आउँदै गरेको बस माछापोखरीमा पल्टिएको हो।
स्थानीयहरूका अनुसार तीव्र गतिको बसले साइकललाई जोगाउन खोज्दा बीच सडकमै पल्टिएको थियो।
काठमाडौं उपत्यका ट्राफिक प्रहरी कार्यालयका प्रवक्ता एसपी नरेशराज सुवेदीका अनुसार बस दुर्घटना हुँदा केही यात्रु घाइते भएका छन्।
उनका अनुसार घाइते हुनेहरूमा सामाखुसी बस्ने ६६ वर्षीया कमला शाह, मकवानपुर घर भई बालाजु बस्ने ५६ वर्षीया सरस्वती श्रेष्ठ, रामेछाप घर भई स्वयम्भू बस्ने ३६ वर्षीय कृष्ण योञ्जन, हुम्ला घर भई स्वयम्भू बस्ने १७ वर्षीय विशाल थापा, चितवन घर भई स्युचटार बस्ने ३५ वर्षीय कृष्ण परियार, काभ्रे बस्ने ३० वर्षीया सविना तामाङ र उदयपुर घर भइ स्वयम्भू बस्ने ३७ वर्षीया कल्पना मगर रहेका छन्।
कल्पना र सरस्वतीको अवस्था गम्भीर छ भने अन्यलाई भने सामान्य चोटपटक लागेको प्रहरीको भनाइ छ।
उनीहरूलाई उपचारका लागि बालाजुस्थित सिल्भरलाइन अस्पताल लगिएको प्रहरीले जनाएको छ।
पल्टिएको बसलाई क्रेनले उठाइएको छ।
बस बीच सडकमा पल्टिएपछि त्यहाँ केही बेर जाम भएको थियो।
घाइतेहरुलाई नजिकैको अस्पताल लगिएको छ।
तस्बिरहरूः
-1762609177.jpg)
-1762609178.jpg)
सबै तस्बिरः नेपाल फोटो लाइब्रेरी।
-1762609177.jpg)
-1746009348.jpg)
