चोरी तथा पाकेटमारी लगायतका घटनामा ३८ पटक पक्राउ परेका व्यक्ति फेरि पक्राउ परेका छन्।
काठमाडौं उपत्यका अपराध अनुसन्धान कार्यालयको टोलीले मोरङ पथरी शनिश्चरे घर भई सूर्यविनायक-८ बस्ने ४३ वर्षीय कृष्णबहादुर खड्कालाई पक्राउ गरेको हो।
उनी यसअघि ३८ पटक पक्राउ परिसकेको एसपी काजीकुमार आचार्यले जानकारी दिए।
डाँका, चोरी, सार्वजनिक अपराध, अभद्र व्यवहार, बगलीमारा, शरीरबन्धक अपहरण लगायतका मुद्दाहरू चलेका छन्।
उनी सहितको टोलीले योजनाबद्ध तरिकाले पाकेटमारी, लुटपाट गरेको आरोप छ।
यसरी पाकेटमारी तथा आपराधिक कृयाकलापमा काभ्रेका साधुराम भुजेल, राजिब भण्डारी, सुरज तामाङ, सुजन भण्डारी, सिन्धुपाल्चोककी अनु गजमेर, रामेछापका विशाल तामाङ पक्राउ परेका छन्।
यो समूहलाई कार्यालयका डिएसपी कृष्ण खड्का नेतृत्वको टोलीले १० दिन लामो अनुसन्धान गरी पक्राउ गरेको हो।
उनीहरूबाट सुनका ब्रासलेट, औंठी, झुम्का, सिक्री, अमेरिकन डलर एक सय दरका २८ वटा बरामद भएका छन्।
आरोपीहरूबाट प्रहरीले नेपाली चार लाख २८ हजार ८८९ रुपैयाँ र ६६९० भारतीय रुपैयाँ पनि बरामद गेको छ।
१४ वटा मोबाइल, एउटा क्यामेरा, चार वटा मोटरसाइकल र एउटा कार पनि बरामद गरेको छ। उनीहरूले लुटपाटका लागि कार तथा मोटरसाइकल समेत प्रयोग गर्थे।
सार्वजनिक यातायातमा उनीहरू पाकेटमारीका लागि सँगै चढ्ने र विभिन्न व्यक्तिलाई निशाना बनाएर पाकेटमारी तथा लुटपाट गरी पालैपालो झर्ने गरेको पनि अनुसन्धानमा देखिएको छ।
-1763037646.jpg)
-1746009348.jpg)
