डडेल्धुरामा ट्याक्टर दुर्घटना हुँदा एक जनाको मृत्यु भएको छ। चालक सहित थप चार जना घाइते भएका छन्।
दुर्घटनाका गम्भीर घाइते जिल्लाको आलिताल गाउँपालिका–५ बाहिरीसैनका २७ वर्षीय भरत रावतको मृत भएको जिल्ला प्रहरी प्रमुख डिएसपी बरुणबहादुर सिंहले बताए।
घाइते रावतलाई उपचारका लागि जोगबुढा अस्पताल पुर्याउनासाथ चिकित्सकले मृत घोषणा गरेका थिए।
दुर्घटनामा परी सोही ठाउँका २४ वर्षीय सन्तोष रोका, १९ वर्षीय पवन विक, २५ वर्षीय तिलक चोखाल घाइते छन्।
तीन घाइते मध्य रोकालाई थप उपचारका लागि धनगढी रेफर गरिएको छ।
विक र चोखालको अवस्था सामान्ने रहेको तथा जोगबुढा अस्पतालमा उपचार जारी रहेको डिएसपी सिंहले बताए।
ट्याक्टर चालक २७ वर्षीय योगेन्द्र घर्ती प्रहरी नियन्त्रणमा छन्।
उनी पनि सामान्ने घाइते रहेको प्रहरीले जानकारी दिएको छ।
डिएसपी सिंहका अनुसार चालकलाई जिल्ला प्रहरी कार्यालय तर्फ ल्याउने क्रम जारी छ।
चालकले अर्कौ गाडीलाई साइड दिने क्रममा ट्याक्टर अनियन्त्रित भइ दुर्घटनामा परेको बयान गरेका छन्।
शनिबार राति १० बजेतिर आलिताल गाउँपालिका–८ गोदाम बजारबाट बाहिरीसैन तर्फ जाँदै गरेको भे १ त ७८५४ नम्बरको ट्याक्टर सडकबाट झन्डै पाँच मिटर तल खसेको थियो।
प्रहरीका अनुसार ट्याक्टर पल्टिदा त्यसैले च्यापेको हुँदा रावतको मृत्यु भएको अनुमान गरेको छ।
दुर्घटनाबारे थप अनुसन्धान भइ रहेको प्रहरीले जानकारी दिएको छ।
-1763106181.jpg)
-1746009348.jpg)
