जलेश्वर बर्दिबास सडकखण्डको बथनाहा गाउँमा मंगलबार बिहान दुई वटा मोटरसाइकल एकापसमा ठोक्किएर आगलागी हुँदा तीन विद्यार्थीको जलेर मृत्यु भएको घटनाको थप विवरण सार्वजनिक गरिएको छ।
मृत्यु हुनेमा जिल्ला सदरमुकाम जलेश्वर नगरपालिका–६ बस्ने २० वर्षीय शुभाष दास, २० वर्षीय रवि दास र एकडारा गाउँपालिका–३ का करिब २० वर्षीय अभिषेक मण्डल रहेको प्रहरीले जनाएको छ।
निजका आफन्तहरूले शव पहिचान गरेपछि मृतकको पहिचान खुलेको जिल्ला प्रहरी कार्यालयका प्रवक्ता प्रहरी नायब उपरीक्षक शैलेन्द्र भट्टले बताए।
त्यस्तै, सो घटनामा थप तीन जना गम्भीर घाइते भएका छन्। घाइते हुनेहरूमा जलेश्वर नगरपालिका–६ कै १९ वर्षीय रोहित दास, सोही ठेगानाका १९ वर्षीय अभय कापर र एकडारा गाउँपालिका–५ बथनाहाका २० वर्षीय अजय कापर रहेका छन्।
-1746009348.jpg)
