सार्वजनिक खरिद प्रणाली (ई-गभर्मेन्ट प्रोक्यरमेन्ट सिस्टम) ह्याक गरी ठेक्काका विवरण हेरफेर गरेको आरोपमा प्रहरीले ६ जनालाई पक्राउ गरेको छ।
केन्द्रीय अनुसन्धान ब्युरोको टोलीले ६ जनालाई पक्राउ गरेको एसएसपी शिवकुमार श्रेष्ठले जानकारी दिए।
पक्राउ पर्नेमा दिवाकर देउजा, भरत धामी, संजय भट्ट, भाष्करराज अर्याल, सागर कटुवाल र जीवनकुमार दास छन्।
उनीहरूलाई प्रहरीले विभिन्न समयमा पक्राउ गरेको हो।
उनीहरूले सार्वजनिक खरिद अनुमगन कार्यालयको ई-गभर्मेन्ट प्रोक्यरमेन्ट सिस्टम ह्याक गरेको आरोप छ। ह्याक गरी ठेक्काका आर्थिक प्रस्ताव खोल्नु अगाडि नै आर्थिक प्रस्तावको कागजातहरू हेरफेर गरेको आरोप छ।
यसरी आपराधिक कृयाकलाप भइरहेको भन्ने उजुरी साइबर ब्युरोमा परेको थियो।
त्यसपछि सिआइबी र साइबर ब्युरोको टोलीले संयुक्त अनुसन्धान गरी ६ जनालाई पक्राउ गरेको हो।
पक्राउ परेका ६ जनामाथि विद्युतीय कारोबार ऐन २०६३ अनुसार अनुसन्धान अघि बढेको छ।
-1746009348.jpg)
