चुरे तथा वन जंगल संरक्षण अभियान नेपालले चुरे तथा वन जंगल संरक्षणको माग गर्दै माईतीघरमा प्रदर्शन गरेका छन्।
वन जंगलको संरक्षण, दलित तथा भूमिहीन सुकुम्बासीहरूको भूमि अधिकार, र प्राकृतिक स्रोतको अवैध दोहन रोक्न माग गर्दै अभियानकर्मीहरू सडकमा उत्रिएका हुन्।
प्रदर्शनकारीहरूले चुरे क्षेत्रको विनाश रोक्नुपर्ने, सिर्सिया नदीको बढ्दो प्रदूषण र अतिक्रमण नियन्त्रण गर्नुपर्ने, तथा ढुंगा, गिट्टी र बालुवाको अवैध उत्खनन तत्काल बन्द गर्नुपर्ने माग गरेका छन्।
उनीहरूले अवैध रूपमा सञ्चालित क्रसर उद्योगहरूलाई कानुनी दायरामा ल्याई बन्द गर्न सरकारसँग जोडदार माग गरेका छन्।
जनताको सरकार जनताको लागि सिंहदरबारको ढोका किन बन्द? राष्ट्रको समस्या कहिले देख्छौ सरकार? जस्ता प्रश्नहरू प्रदर्शनकारीका प्लाकार्डमा कोरिएका छन्।
माइतीघरमा भेला भएका प्रदर्शनकारीहरूले हातमा विभिन्न प्लाकार्ड र सरकारलाई बुझाउन तयार पारिएका ध्यानाकर्षण पत्रहरू बोकेका थिए।
अभियानका प्रतिनिधिहरूका अनुसार, वर्षौंदेखि भूमि अधिकारबाट बञ्चित दलित र सुकुम्बासीहरूको समस्या समाधान गर्न सरकार उदासीन देखिएको छ।
प्राकृतिक सम्पदाको दोहनले वातावरणीय संकट निम्त्याइरहेको भन्दै उनीहरूले सरकारको ध्यानाकर्षण गराउन सिंहदरबारभित्र ज्ञापनपत्र बुझाउने प्रयास समेत गरेका छन्।
प्रदर्शनका क्रममा अभियानकर्मीहरूले सडकमै बसेर आफ्ना मागहरू लेखिएका पत्रहरू प्रदर्शन गरेका छन्।
चुरे संरक्षण अभियानले आफ्ना मागहरू पूरा नभएसम्म आन्दोलन जारी राख्ने चेतावनी दिएको छ।
-1775718521.jpg)
-1775718523.jpg)
-1775718523.jpg)
-1775718522.jpg)
-1775718522.jpg)
-1775718522.jpg)
-1775718522.jpg)
-1775718521.jpg)
तस्बिरहरू: अनुप प्रधान/न्युज एजेन्सी नेपाल
-1746009348.jpg)
