ललितपुरको पाटनमा दुई युवामाथि चक्कु प्रहार गरी भागेका व्यक्तिलाई पक्राउ गरेकोमा दुई जना प्रहरी पुरस्कृत भएका छन्।
काठमाडौं उपत्यका प्रहरी कार्यालय रानीपोखरीका प्रमुख एआइजी इश्वर कार्कीले जिल्ला प्रहरी परिसर ललितपुरका प्रमुख एसएसपी होबिन्द्र बोगटी र प्रहरी जवान शाहाना बोहरालाई पुरस्कृत गरेका हुन्।
चैत २५ गते साँझ पाटन दरबार स्क्वायरको कृष्ण मन्दिर अगाडि सिर्जन नेम्वाङ र सुमित नेम्वाङको हत्या भएको थियो।
हतियारधारी सन्जिब नेपाली घटनास्थलबाट भागेका थिए।
उनी भागेपछि प्रहरी जवान शाहनाले लखेटेर नियन्त्रणमा लिएको थियो। यसरी आरोपीलाई साहसिक रूपमा पक्राउ गरेको भन्दै उनलाई नगद पुरस्कार दिइएको हो।
त्यस्तै घटनामा तत्कालै पक्राउ गरी नेतृत्वदायी भूमिका खेलेको भन्दै प्रहरीले एसएसपी बोगटीलाई पनि पुरस्कृत गरेको हो।
-1746009348.jpg)
