स्वास्थ्य तथा जनसंख्या मन्त्रालयले एमआरआई, सिटी स्क्यान, क्याथ ल्याब र पेट सिटी लगायत उपकरण चले, नचलेकोबारे विवरण माग गरेको छ।
स्वास्थ्य मन्त्रालयले पत्राचार गर्दै अस्पतालका स्वास्थ्य उपकरणहरू कुन हालतमा छ सोको जानकारी सहितको प्रतिवेदन १० दिनभित्र बुझाउन भनेको हो।
मन्त्रालयले देशभरिका अस्पतालबाट पनि यस्तो विवरण माग्ने निर्णय गरेको थियो।
‘प्रस्तुत विषयमा देशभरीका सरकारी एवं निजी अस्पतालहरुमा जडान भएको एमआरआई, सिटी स्क्यान, क्याथ ल्याब र पेट सिटी स्क्यान लगायतका उपकरणहरुको सम्बन्धमा अध्ययन एवं आवश्यकता अनुसार स्थलगत अनुगमन समेत गरी १० दिनभित्र यस मन्त्रालयमा प्रतिवेदन पेस गर्नु हुन मन्त्रालयस्तरको निर्णयानुसार अनुरोध छ,’ मन्त्रालयले वीरलाई पठाएको पत्रमा भनिएको छ।
एमआरआई, सिटी स्क्यान, क्याथ ल्याब र पेट सिटी लगायतका मेसिनहरूको प्रयोग एवं गुणस्तरको अवस्था, विकिरणको क्षेत्रमा काम गर्ने प्राविधिक कर्मचारीलाई विकिरण निगरानी उपकरण (पर्सनल रेडीएसन डोज मनिटर) प्रयोग गरे नगरेको र उक्त उपकरण नियमित परीक्षण गरे नगरेको, एक्सरे सिटी स्क्यान लगायतका विकिरण उत्सर्जन गर्ने कोठाको वरिपरी मापदण्ड अनुसार गर्नुपर्ने विकिरण सर्भेक्षण गरे नगरेको, विकिरणबाट बिरामी एवं कर्मचारीहरु सुरक्षित राख्नको लागि के कस्तो सुरक्षाको उपायहरु अवलम्बन गरिएको छ, सोको जानकारी पनि पठाउन भनिएको छ।
प्रतिवेदनमा अन्य सुझावहरू केही छन् भने पनि पठाउन मन्त्रालयले आग्रह गरेको छ।
-ink-1764482396.jpeg)
-1746009348.jpg)
