हाल नेपालमा पश्चिमी वायूको साथै बिहारको आसपासमा रहेको न्यूनचापीय क्षेत्रको आंशिक प्रभाव रहेको छ।
हाल कोशी प्रदेशको तराई क्षेत्रका साथै देशको हिमाली भु-भागमा आंशिक बादल लागेको छ तथा बाँकी क्षेत्रमा मौसम मुख्यतया सफा रहेको छ।
तराई भू-भाग, उपत्यका तथा खोँचहरूमा बिहानपख थोरै स्थानमा हुस्सु/कुहिरो लागेको जल तथा मौसम पूर्वानुमान महाशाखाले जनाएको छ।
महाशाखाका अनुसार आइतबार दिउँसो मधेश प्रदेश र कोशी प्रदेश लगायत देशको हिमाली क्षेत्रमा आंशिक बादल लाग्नेछ।
बाँकी क्षेत्रमा मौसम मूख्यतया सफा रहनेछ।
कोशी प्रदेशको तराई भू-भागको एक-दुई स्थानमा मेघगर्जन/चट्याङ्ग सहित हल्का वर्षाको सम्भावना रहेको महाशाखाले जनाएको छ।
आइतबार राति देशको हिमाली क्षेत्रमा साथै कोशी प्रदेशको तराई क्षेत्रमा र मधेश प्रदेशमा आंशिक बादल लाग्ने पनि महाशाखाले जनाएको छ।
बाँकी क्षेत्रमा मौसम मूख्यतया सफा रहनेछ।
राति नै कोशी, गण्डकी र सुदूरपश्चिम प्रदेशको हिमाली भू-भागका एक-दुई स्थानमा मेघगर्जन/चट्याङ्ग सहित हल्का वर्षा/हिमपात हुने महाशाखाले जनाएको छ।