अमेरिकाविरूद्धको दोस्रो टी-२० मा कुशल भूर्तेलले अर्धशतक पूरा गरेका छन्।
टस जितेर पहिले ब्याटिङ रोजेको नेपालका लागि भूर्तेलले पन्ध्रौं ओभरको दोस्रो बलमा छक्का प्रहार गर्दै अर्धशतक पूरा गरेका हुन्।
अर्धशतक पूरा गर्ने क्रममा उनले ३४ बलमा ४ चौका र ३ छक्का हाने।
१७ औं ओभर चलिरहँदा नेपालले ४ विकेट गुमाएर १३३ रन बनाएको छ ।
भूर्तेल ६७ रन बनाएर खेलिरहेका छन्।
यसअघि अनिल शाह २५ रनमा, आशिफ शेख १ रनमा, गुल्सन झा १९ रन र कप्तान रोहित पौडेल १८ रनमा आउट भएका थिए।
