नेपाल प्रिमियर लिग (एनपीएल) मा सहभागी लुम्बिनी लायन्सले युवा तथा प्रतिभाशाली क्रिकेटर खोज्ने भएको छ।
लुम्बिनीले आगामी एनपीएलको लागि आफ्नो टोलीमा चार उदीयमान खेलाडीलाई सामेल गराउन लागेको हो।
यसरी छनोट भएका चार खेलाडीमध्ये एक जनाले ‘सुपरस्टार’को उपाधि प्राप्त गर्नेछन्। जुन खेलाडिद्ये नेपाल प्रिमियर लिगका अरु खेलाडीसँग खेल्न पाउनुका साथै नगद पुरस्कार दश लाख रूपैयाँ प्राप्त गर्ने क्लबले जनाएको छ।
बाँकी ती खेलाडीले ‘स्टार’को उपाधि प्राप्त गर्नेछन् जसले लायन्स क्लबको विशेष प्रशिक्षमा सहभागी हुने प्राप्त गर्नेछन्।
क्लबको कोचिङ प्यानलले सबै सहभागीहरूले पठाएका भिडियोहरूको मूल्याङ्कन गरेपछि छनोट प्रक्रिया सुरु हुनेछ।
यस मूल्याङ्कनको आधारमा छनोट गरिएका खेलाडीहरूको सूची तयार गरी उनीहरूलाई व्यक्तिगत रूपमा ट्रायलमा सहभागी हुने अवसर प्रदान गरिनेछ।
यो अवसरको लागि कार्तिक १८, २०८१ भित्र आवेदन बुझाउनुपर्नेछ। सर्टलिस्टमा परेका आवेदकहरूको नाम कार्तिक २०, २०८१ मा घोषणा गरिनेछ भने ट्रायलको मिति र स्थान पनि तोकिनेछ ।
