दक्षिण अफ्रिकाका पूर्व क्रिकेटर जोन्टी रोड्स नेपाल आउने भएका छन्।
उनलाई नेपाल प्रिमियर लिग (एनपिएल) टोली पोखरा एभेन्जर्सले सल्लाहकार र मेन्टरको रुपमा नियुक्त गरेको जनाएको छ।
रोड्स यसअघि धनगढी प्रिमियर लिगमा पनि नेपाल आएका थिए।
यसअघि पोखराले भारतका राजीव कुमारलाई प्रशिक्षक नियुक्त गरेको थियो।
उनी आइपिएलको सर्वाधिक सफल टोली चेन्नई सुपर किङ्सको ब्याटिङ र फिल्डिङ प्रशिक्षक हुन्।
पोखराको मार्कीमा नेपाल राष्ट्रिय क्रिकेट टोलीका ब्याटर कुशल भुर्तेल रहेका छन्।
आठ टोलीबीच हुने एनपिएल आगामी मंसिर १५ देखि कीर्तिपुरस्थित त्रिवि मैदानमा हुनेछ।
