नेपाल प्रिमियर लिग (एनपिएल) टोली जनकपुर बोल्ट्सले दोस्रो विदेशी खेलाडीको रुपमा अमेरिकाका अलराउन्डर जोसुआ ट्रम्पलाई भित्र्याएको छ।
अहिलेसम्म राष्ट्रिय टोलीबाट खेल्ने अनुभव नभएका १९ वर्षीय ट्रम्पले टेक्सास सुपर किंग्सबाट अमेरिकाको मेजर लिग क्रिकेट खेलेका छन्।
लिगमा आठ खेलेका उनले सान फ्रान्सिस्कोसँग ५६ रन जोड्नुबाहेक उल्लेख्य प्रदर्शन गर्न सकेका छैनन्।
यसअघि जनकपुरले न्युजिल्यान्डका जिमी निशसमलाई भित्र्याएको थियो।
नेपालका पूर्वप्रशिक्षक पुबुदु दसानायके प्रशिक्षक रहेको जनकपुरको मार्की खेलाडीमा आसिफ शेख छन्।
आठ टोलीबीच हुने एनपिएल आगामी मंसिर १५ देखि कीर्तिपुरस्थित त्रिवि मैदानमा हुनेछ।
