जापानमा आगामी सेप्टेम्बरमा हुने एसियन गेम्समा नेपालको पुरुष क्रिकेट टोलीले समूह चरणमा टेस्ट टोली अफगानिस्तान र आयोजक जापानसँग खेल्ने भएको छ।
आज भएको समूह चरणको ड्रमा नेपालले अफगानिस्तान र जापानसँग खेल्ने तय भएको हो।
अर्को समूहमा हङकङ, मलेसिया र ओमान परेका छन्।
दुवै समूहका शीर्ष दुई दुई टोली क्वार्टरफाइनलमा पुग्नेछन्। क्वार्टरफाइनलमा पुग्ने अरु चार टोलीको टुंगो भने लागिसकेको छ।
भारत, पाकिस्तान, श्रीलंका र बंगलादेशलाई भने सिधा अन्तिम आठमा स्थान दिइएको थियो। अब समूह चरणबाट आउने चार टोलीसँग सिधा प्रवेश पाएका चार टोलीले भिड्नेछन्।
यसअघि नेपालले छनोट जितेर एसियन गेम्समा प्रतिस्पर्धा ग र्ने पक्का भएको थियो।
एसियन गेम्समा क्रिकेट २४ सेप्टेम्बरदेखि सुरु हुनेछ। क्रिकेटका खेल आइचीमा हुनेछन्।
