२०औं एसियाली खेलकुदअन्तर्गत पुरूष क्रिकेटमा श्रीलंकासँगको खेल वर्षाका कारण रद्द हुँदा नेपाल बाहिरिएको छ।
मंगलबार बिहान पौने ६ बजे जापानको कोरोगी स्पोर्ट्स पार्कमा हुने तय भएको खेल वर्षाका कारण रद्द भएको हो।
खेल रद्द भएसँगै वरियताका आधारमा श्रीलंका सेमिफाइनलमा पुगेको छ। श्रीलंकाले सेमिफाइनलमा भारतसँग सामना गर्नेछ। नेपालको यात्रा भने टुंगिएको छ।
यसअघि नेपाल समूह एको बिजेता बनेको थियो। जापानसँग भएको खेल पनि वर्षाका कारण नो रिजल्टमा टुंगिएको थियो। खेलमा नेपालले १५ ओभरमा ४ विकेट गुमाउँदै १४९ रन बनाएको थियो।
तर वर्षाका कारण खेल हुन नसकेपछि दुबै टोलीले एक-एक अंक पाएको थियो।
अफगानिस्तानमाथि ५ विकेटको जित निकालेपछि नेपालले समूहमा महत्वपूर्ण दुई अंक जोडेको थियो।जापानसँगको खेलमा एक अंक पाएसँगै नेपाल समूह ‘ए’को शीर्ष स्थानमा रहँदै क्वार्टरफाइनलमा प्रवेश गरेको थियो।
-1790643189.jpg)
