इटाली युरोकप-२०२० को छनौट नजिक पुगेको छ।
आइतबार भएको समूह 'जे' अन्तरगतको खेलमा जोरगिन्होले प्रहार गरेको पेनाल्टीले जाली चुमेपछि २-१ ले विजयी हुँदै इटाली छनौटको नजिक पुगेको हो।
यो जितसँगै १८ अंक जोडेको इटाली आफ्नो समूहको शीर्ष स्थानमा रहेको छ।
त्यसअघि इटालीले खेलको ५९ औं मिनेटमा सिरो इमोबिल गोलमा अग्रता लिएको थियो।
इटालीको सो अग्रतालाई फिनल्याण्डले खेलको ७२ औं मिनेटमा पेनाल्टीमार्फत बराबरी गरेको थियो। सो गोल टिमु पुकीले गरेका थिए।
त्यसपछि १-१ को बराबरी रहेको खेलमा ७९ औं मिनेटमा इटालीले पेनाल्टी पायो।
प्राप्त पेनाल्टीको अवसरलाई मिडफिल्डर जोरगिन्होले सदुपयोग गर्दै गोल गरे र खेल इटालीले आफ्नो पक्षमा पार्यो।
युरोकप छनौटका लागि अब इटालीलाई चार खेलबाट चार अंक जोडेपुग्छ।
