इंग्लिस क्लब वाटफोर्डका डिफेन्डर एड्रियन मारियप्पाले आफूलाई कोरोना भाइरसको संक्रमण भएको बताएका छन्।
उनी प्रिमियर लिगमा संक्रमित भएका पछिल्ला ६ जना व्यक्ति मध्ये एक हुन्। प्रिमियर लिगले प्रशिक्षणमा फर्कनुअघि सबै खेलाडी र स्टाफको कोरोना परीक्षण गर्दा तीन क्लबका ६ जनामा संक्रमण भेटिएको थियो।
कोरोना संक्रमण भएका एड्रियनले आफू घरबाट बाहिर ननिस्कदा पनि कोरोनाको संक्रमण भएकोमा आश्चर्य व्यक्त गरेका छन्।
जमैकाका अन्तर्राष्ट्रिय खेलाडी एड्रियनलाई कोरोनाको कुनै लक्षण देखिएको थिएन।
डिफेन्डर एड्रियनसँगै वाटफोर्डका दुई जना स्टाफलाई पनि कोरोना भएको छ।
यस्तै वर्नलीका सहायक प्रशिक्षक इयान वनलाई पनि कोरोनाको पोजेटिभ नतिजा देखिएको छ।
बाँकी रहेका तीन जना संक्रमित भएको तेस्रो क्लबको नाम भने सार्वजनिक गरिएको छैन।
यता चेल्सीका ए'गोलो कान्टे कोरोनाको डरले प्रशिक्षण सहभागी भएका छैनन्।
उनी प्रशिक्षक फ्रान्क लाम्पार्डको अनुमतीमा घरमै प्रशिक्षण गरिरहेका छन्।
यसअघि वाटफोर्डका कप्तान ट्रोए डिनीले पनि समूहमा प्रशिक्षण गर्न अस्विकार गरेका थिए।
-1763886130.jpeg)
-1746009348.jpg)
