आरबी लाइपजिग जर्मन बुन्डेसलिगाको तेस्रो स्थानमा उक्लिएको छ। सोमबार राति भएको खेलमा एफसी कोल्नलाई ४-२ ले हराउँदै लाइपजिग तेस्रो स्थानमा उक्लिएको हो।
लाइपजिगको जितमा स्चेकले २० मिनेट, एनकुन्कुले ३८ मिनेट, वेर्नरले ५० मिनेट र ओल्मोले ५७ मिनेटमा गोल गरेका थिए।
वेर्नरले जारी सिजनमा २५औं गोल गरेका हुन्।
जितसँगै लाइपजिङले दोस्रो स्थानको बोरुसिया डोर्टमुन्डमाथि दबाब थपेको छ।
दोस्रो स्थानको डोर्टमुन्डको २९ खेलबाट ६० अंक छ भने तेस्रो स्थानको लाइपजिगको ५८ अंक छ।
शीर्ष स्थानको वायर्न म्युनिखको ६७ अंक छ।