इंग्लिस लिग कपअन्तर्गत बर्नमाउथले क्रिस्टल प्यालेसमाथि रोमाञ्चक जित हात पारेको छ।
मंगलबार राति भएको खेलमा बर्नमाउथले प्यालेसमाथि पेनाल्टी सुटआउटमा ११-१० गोलको जित निकालेर अघिल्लो चरणमा स्थान बनायो।
निर्धारित समयको खेल गोलरहित बराबरीमा सकिएपछि खेल पेनाल्टी सुटआउट गएको थियो।
जसमा दुवै टिमका गोलकिपर बाहेकका १०-१० जना खेलाडीले नै गोल गरेका गरेका थिए।
दुवै टिमका १०-१० खेलाडीले पेनाल्टीमा गोल गरेपछि गोलकिपरहरू पेनाल्टी प्रहार गर्न आएका थिए।
पहिले बर्थमाउथका गोलकिपर अस्मिर बेगोविचले पेनाल्टी प्रहार गरे पनि सफल हुन सकेनन्। उनको प्रहारलाई प्यालेसका गोलकिपर वायन हेनेसीले विफल पारेका थिए।
त्यसपछि टिमलाई जित निकाल्ने सुन्दर मौकामा प्यालेसका गोलकिपर हेनेसी पनि असफल भए। उनको प्रहार आउट भएको थियो।
पेनाल्टी सुटआउटमा दोस्रो पटक प्रहार गर्न आएका बर्नमाउथका डेभिड ब्रुक सफल भएका थिए।
लगत्तै आफ्नो दोस्रो पेनाल्टी हानेका प्यालेसका लुका मिलिभोजेभिको प्रहारलाई बर्नमाउथका गोलकिपर बेगोविचले विफल परेका थिए। जससँगै बर्नमाउथले रोमाञ्चक ११-१० को जित निकाल्न सफल भयो।
अब अर्को चरणमा बर्नमाउथले म्यानचेस्टर सिटीसँग प्रतिस्पर्धा गर्नेछ।
