स्पेनिस ला लिगामा रियल म्याड्रिडले सानदार जित हात पारेको छ।
शनिबार भएको खेलमा रियलले हुएस्कालाई ४-१ गोलले पराजित गर्यो।
रियलको जितमा करिम बेन्जिमाले दुई गोल गरे।
रियलले पहिलो हाफमा दुई गोल गर्दा थप दुई गोल दोस्रो हाफमा गर्यो।
खेलको ४० मिनेटमा इडिन हजार्डले गोल गर्दै रियललाई अग्रता दिलाए। ४५ मिनेटमा बेन्जिमाले अग्रता दोब्बर पारे।
हजार्डलाई भाल्भेर्डेले पास उपलब्ध गराएका थिए भने बेन्जिमालाई भाज्क्युले पास दिए।
५४ मिनेटमा भाल्भेर्डेले रियलका लागि तेस्रो गोल गरे। उनलाई बेन्जिमाले पास उपलब्ध गराए।
९० मिनेटमा बेन्जिमाले अग्रता चौथो पारे। यसपटक रोद्रिगोले पास दिए।
अंक तालिकाको शीर्ष स्थानको रियलले सात खेलबाट १६ अंक जोडेको छ।
दोस्रो स्थानको रियल सोसिडाडको सात खेलबाट १४ अंक छ।